भाव अंजुरि : मैथिली गीत माला

ई पोथी “भाव अंजुरि” मैथिली रचित
हमर पहिल पोथी थिक।
”भाव अंजुरि नाम देलहुं किएक त’
एहि पोथी म’ प्रेम, भक्ति आ
वैराग्य भाव क’ सम्मिश्रण सऽ
भरल गीतक संकलन भेटत।
मनुक्खक भाव त’ सदिखन
बदलैत रहैत अछि, किछु भाव
परगट होईत अछि आ तत्क्षण
विलीन भऽ जाईत अछि,
किछु भाव अस्थायी रूप म’
किछु पल रहला क’ बाद ओरान होईत अछि,
मुदा किछु भाव एहनो होईत अछि
जे परगट भेलाक बाद स्थायित्व
ग्रहण क’ लेइत अछि आ आगां क’
जिनगी म’ हमर सोच, काज आ परिणाम
पर गहीँर असरि डालैत अछि।
भगवान सेहो त’ भावे क’ भुखल छैथ।
हुनका अंजुरि स’ भावपुष्प रुपी प्रसाद
जा धरि नऽ चढै़बन्हि ता धरि
हुनक कोनो निकटता क ‘अनुभव
अहां नऽ पाबि सकैत छी।
ई पोथी म’ हम एहने सभ भाव क ‘
अंजुरि म’ भरि क’ संग्रह कयने छी,
जे परमसत्ता क ‘लगाँ जएबा म’
अहां सभ क ‘सहायक बुझबा पड़त।
अन्त म’ हम महान श्रृंगी ऋषि क’
तपोभूमि सिंहेश्वर, मधेपुरा स’ अप्पन
भाव अंजुरि क’ प्रथम भावपुष्प
भोलेनाथ बाबा सिंहेश्वरनाथ क’
अर्पित करैत आस करैत छी जेऽ
ई पोथी अहां सभ भगवत प्रेमी जन केऽ
मोन माफिक बुझबा पड़त।